Navenda Ragihandin û Çapemeniyê ya HPG'ê, li ser tevgera leşkerî ya artêşa Tirk daxuyaniyeke nivîskî weşand û ev agahî da:

"Ji saet 16:00 ê 28'ê Nîsanê heta saet 04:00 ê 29'ê Nîsanê li ser qada Xakurkê ya Herêmên Parastinê yên Medyayê pêgerên hewayî yên bê mirov ên artêşa T.C a dagirker keşif kirine. Di 28'ê Nîsanê saet di navbera 16:00 û 17:00 de jî balafirên şer tevgeriya ne.

Di 28'ê Nîsanê saet di navbera 18:00 - 19:00 de li ser herêma Mamreş a ser bi navçeya Colemêrg Geverê, ji saet 20:00 ê 28'ê Nîsanê heta saet 12:00 ê 29'ê Nîsanê li qadên Şehîd Gafûr û Şukê yên Avaşîn pêgerên hewayî yên bê mirov ên artêşa Tirk keşif kirine, di 28'ê Nîsanê saet di navbera 20:00 - 23:00 de li qadên Şukê, Şehîd Gafûr û xeta sînor, tevgera balafirên şer hatiye tespîtkirin.

Di 28'ê Nîsanê saet di navbera 14:30 - 16:00 de li herêma Heftanînê û xeta sînor, saet di navbera 16:00 - 22:00 de li qadên Şikefta Birîndaran, Çiyayê Reş, Ertûş, Cîloyê Biçûk ên Zapê û xeta sînor, saet di navbera 21:00 - 00:00 de li herêma Metîna pêgerên hewayî yên bê mirov ên artêşa Tirk keşif kirine. Di navbera saet 20:00 - 21:00 de balafirên şer di ser herêma Zapê re firiyane.

Di 29'ê Nîsanê saet di navbera 09:30 de li qadeke di navbera navçeya Wan Şaxê, Qereqola Girê Sor û herêma Êzidînan de, tevgera leşkerî ya artêşa Tirk zêde bûye.

Ji saet 19:30 ê 28'ê Nîsanê heta saet 05:00 ê 29'ê Nîsanê, li gundên Hêndiresê, Gewrê, Şêbê, Golik û Meledikê yên ser bi navçeya Mêrdîn Şemrexê artêşa Tirk a dagirker li gel maşînên zirxî kemîn daniye.

Dİ 28'ê Nîsanê saet di navbera 20:00 - 23:30 de li qada Şehîd Baran a navçeya Amed Farqînê, pêgerên hewayî yên bê mirov ên artêşa Tirk keşif kirine.

Di van rojên dawî de artêşa Tirk li girekî li gundê Dêrunê yê navçeya Amed Qarazê bicih bûye û li derdora gundê Qarazê jî kemînan datîne.

Di sibeha 26'ê Nîsanê de li qadên Arel û Çakmakli yên navçeya Dêrim Pulurê, artêşa T.C a dagirker derketiye operasyonê. Operasyon danê êvarê bi awayekî bê encam bi dawî bûye."