Navenda Ragihandin û Çapemeniyê ya HPG'ê da xuyakirin ku tevgera leşkerî ya artêşa Tirk dewam dike.

Di daxuyaniya HPG'ê ya li ser mijarê de ev agahî bi raya giştî re hat parvekirin:

"Ji saet 18:00 ê 16'ê Gulanê heta danê nîvro yê 17'ê Gulanêli ser qadên Basya, Şukê, Adilbeg û Mamreşo yên herêma Avaşînê, ji saet 11:30 ê 16'ê Gulanê heta saet 04:30 ê 17'ê Gulanê li herêma Zapê, di 16'ê Gulanê saet di navbera 07:00 - 12:30 de li herêma Metîna, ji saet 21:00 ê 15'ê Gulanê heta saet 00:00 ê 16'ê Gulanê li qadên Şehîd Xebat û Şehîd Hesen ên Çewlikê, di 16'ê Gulanê saet di navbera 14:00 - 15:00 de li qadên Geliyê Kesan û Girê Hotê yên navçeya Bedlîs Tetwanê, artêşa T.C a dagirker bi pêgerên hewayî yên bê mirov re keşif kiriye.

Di 15'ê Gulanê saet di navbera 16:00 - 17:00 de ji Qereqola Serbesta ya li ser xeta sînor a herêma Metîna ye, Girê Berana û derdora wê bi topên hawanê û çekên giran hatine bombekirin.

Ji saet 21:00 ê 15'ê Gulanê heta sibeha 16'ê Gulanê, li gundên Ayvalik, Sîneklî, Topalî û Sergê yên ser bi navenda Çewlikê, tîmên tevgera taybet ên artêşa T.C a dagirker kemîn danîne."