Navenda Ragihandin û Çapemeniyê ya HPG’ê daxuyaniyek da û da zanîn ku tevgera leşkerî ya artêşa Tirk a bejayî û hewayî bê navber didome.

HPG’ê di daxuyaniya xwe de cih dan van agahiyan:

“20’ê Gulanê saet di navbera 07.00-14.00’an de pêgerên hewayî yên bê mirov ên artêşa TC li ser xeta sînor a herêma Xakurkê ya Herêma Parastina Medya, xebatên keşfê pêk anîne. Ev tevgera hewayî ya hatiye jiyîn, li Herêmên me yên Parastinê yên Medya berdewam kirine. Li gorî vê;

20’ê Gulanê saet di navbera 21.00-00.00’an de li herêma Arê û sînorê navçeya Şemzînan a Colemêrgê, heman rojê saet di navbera 16.00 û 21’ê Gulanê saet di 12.00’an de herêmên Sukê û Tabura Ereban a di xeta sînor a herêma Avaşîn, 20’ê Gulanê saet di navbera 06.00 û 21’ê Gulanê saet di 04.00’an de li herêma Zapê, 19’ê Gulanê saet di navbera 18.00 û 21’ê Gulanê saet 07.30’an de li herêma Cûdî ya Şirnexê pêgerên hewayî yên bê mirov ên artêşa TC xebatên keşfê kirine. 20’ê Gulanê saet di navbera 17:00 - 17:30’an de li herêma Avaşîn, saet di navbera 15:00 - 17:30’an de li herêma Zapê tevgera balafirên şer hatiye jiyîn.

20’ê Gulanê saet di navbera 17:00 - 19:00’an de qereqola Bîlîcan a di xeta sînorê herêma Zapê de ye, bi çekên giran û şexsî rasterast herêm gulebaran kiriye.”