Şervanê YPG'ê Mûsa Elî yê roja borî li Kobanê birîndar bibû û anî bûn Rihayê jiyana xwe ji dest da.

Şervanê YPG'ê Mûsa Elî di berxwedana li dijî çeteyên DAIŞ'ê de roja borî li Kobanê birîndar bû. Elî ji bo dermankirinê anîn Nexweşxaneya Dewletê ya Pirsûsê û ji wir jî bi lezgînî birin Nexweşxaneya Balikligolê ya Rihayê. Elî tevî hemû mudaxleyan danê vê sibehê jiyana xwe ji dest da û cenazeyê Êlî şandin Saziya Tipa Edlî ya Rihayê. Piştî karên otopsiyên cenazeyê wê bişînin Nexweşxaneya Perwerde û Lêkolînê ya Mehmet Akîf Înan a Rihayê. 

Cenazeyê Elî piştî serlêdana malbatê wê di sînor ê Murşîtpinarê re bibin Kobanê.