Şêniyan ji pêşiya nexweşxaneya El-Wetenî ya bajarê Girê Spî, cenazeyê Têoşer Îbrahîm Xelîl Kurdo (Dilbirîn Rojava ) di 24′ê Cotmehê de, dema ku bi erka xwe ya leşkerî radibû, ji aliyê sekvanên artêşa Tirk ve li ser sînorê di navbera Girê Spî û Bakurê Kurdistanê de jiyana xwe ji dest da. Şêniyên bajarê Girê Spî cenazeyê têkoşer Dilbirîn Rojava ji nexweşxaneya Wetenî ya bajêr wergirtin û bi karwanekî wesayîtan ber bi goristana Şehîd Mihemed Tame ve ketin rê.

Girseya gel dirûşmeyên dilsoziya bi cangoriyên azadiyê re berz kirin û alên YPG/YPJ′ê, Hêzên Sûriya Demokratîk (QSD), Saziyên Malbatên Şehîdan, Tevgera Civaka Demokratîk (TEV-DEM), Kongreya Star û Partiya Yekîtiya Demokratîk(PYD) bilind kirin.

Li goristanê merasîma oxirkirinê bi rêzgirtinê û merasîmeke leşkerî a ji aliyê Hêzên Erka Xweparastinê ve dest pê kir.

Malbata Şehîd Dilbirîn soza şopandina têkoşîna azadiyê dan. Di dawiya merasîmê de, di nava tilîliyên dayikan û dirûşmeyên dilsoziya bi Şehîdan re, cenazeyê şervan spartin axê.

Nasnameya têkoşer wiha ye:

Nasnav: Dilbirîn Rojava
Nav û Paşnav: Îbrahîm Xelîl Kurdo
Navê Dayikê: Lemya
Navê Bav:Xelîl
Cih û Dîroka Jidayikbûnê: Kobralkê 1996
Dîroka Tevlîbûnê: 2016
Cih û Dîroka Şehadetê: Girê Spî 24/10/2016