Bi sedan welatiyên bajarê Hesekê cenazeyê şervana YPJ’ê Narîman Darih (Evîn Hesekê) ya 8’ê Gulanê di berxwedana gundê Til Mecdel a di navbera Hesekê û Til Temir de jiyana xwe ji dest dabû spartin axê.
Bi sedan welatiyên bajarê Hesekê cenazeyê şervana YPJ’ê Narîman Darih (Evîn Hesekê) ya 8’ê Gulanê di berxwedana gundê Til Mecdel a di navbera Hesekê û Til Temir de jiyana xwe ji dest dabû spartin axê.
Bi sedan kesî cenazeyê şervana YPJ’ê Evîn Hesekê ji Saziya Malbatên Şehîdan a Hesekê wergirtin. Girseya ku posterên Rêberê Gelê Kurd Abdulah Ocalan û wêneyên şervanan YPJ’ê Evîn Hesekê vekirin, alên TEV-DEM, YPJ, YPG’ê hilgirtin û bê navber dirûşm berz kirin cenaze bi karwanekî wesayîtan ber bi Goristana Şehîd Dijwar a li gundê Dawidiyê ya Hesekê derketin rê.
Di rêya ketina goristanê de welatî ji wesayîtan daketin û cenaze li ser milan kirin û bi dirûşman heta goristanê meşiyan. Li vir merasîm hate lidarxistin.
Merasîm bi rêzgirtinê destpê kir. Paşê li ser navê Saziya Malbatên Şehîdan a Hesekê Ezîz Dawê axivî, berxwedana hêzên YPG/YPJ’ê ya li herêmê silav kir û soza şopandina rêya cangoriyan da. Di merasîmê de her wiha li ser navê Rêveberiya Xweseriya Demokratîk a Cizîrê Endamê Meclîsa Zagonsaz Ekrem Mehşûş axivî û bal kişand ser rola berxwedana şervanên YPG û YPJ’ê ya ji bo parastina hemû pêkhateyan û got: “Em wekî pêkhateyên Kantona Cizîrê baş dizanin em bi saya berxwedêrên xwe bi biratî li ser xaka xwe dijîn. Em bi berxwedana şervanên YPG û YPJ’ê îro azad in, bi saya berxwedana wan îro herêma Çiyayê Kizwanan (Ebdulezîz) û gelek gundên herêmê hatine rizgarkirin. Rizgarkirina wê herêmê destketiya hemû pêkhateyên herêmê ye.ˮ
Endama Rêveber a TEV-DEM’ê Nûcan Hesen jî di merasîmê de axivî û bal kişand ser berxwedana şervana YPJ’ê Evîn Hesekê û da zanîn ku Evîn fedakariyeke mezin kiriye û ji bo rizgarkirina herêma rojavayê Kantona û Çiyayê Kizwanan canê xwe feda kir. Di dema em Evîn oxir dikin pêngava YPG/YPJ’ê ya rizgarkirina herêmê bê navber didome. Bi keda Evîn û hevalên wê dê hemû herêm ji çeteyan rizgar bibe.ˮ
Di merasîmê de li ser navê malbata şervana YPJ’ê Evîn Hesekê apê wê Cemal Tahir axivî û soza şopandina rêya Evîn û hemû hevalên wê da.
Piştî axaftinê girseya gel cenazeyê şervana YPJ’ê Evîn Hesekê bi dirûşman spart axê.
