Li gelek bajarên kantonên Rojavayê Kurdistanê, Kurdistanî daketin kolanan û serketina HDP'ê ya di hilbijartinên giştî yên parlamenteriyê de pîroz kirin.

Piştî ku encamên ne fermî şevê din hatin eşkerekirin, wekî Bakur, li Rojavayê Kurdistanê jî welatî daketin kolanan û serketina HDP’ê pîroz kir.

Li kantonên Efrîn, Kobanê û Cizîrê bi hezaran kesan li kolanan pîrozbahî lidarxistin. 

Li bajarên Efrîn, Kobanê, Qamişlo, Amûdê, Til Temir û gelek deverên din welatî bi konvoya ji wesayîtan di nava kolanan de geriyan û kêfxweşiya xwe nîşan dan. 

Li gelek cihan jî li ber stranan govend hate gerandin.