Di serdegirtinên malan ên danê sibehê li navçeya Erzîrom Qereyaziyê de, endama Meclîsa Şaredariyê Nûrhaya Ustundag û endamê berê yê MEYA-DER'ê Dogan Ozmen hatibûn binçavkirin. Piştî ku bûyer hat bihîstin, girseyeke qelebalix li ber Midûriyeta Emniyetê ya Qereyaziyê civiya û binçavkirin şermezar kir. Esnafan dikanên xwe girtin û destek dan çalakiyê.

Di dema dayîna daxuyaniyê de namzetên parlamenteriyê yên HDP'ê yên Erzîromê Seher Akçinar Bayar, Zahîr Ûzûn, Hevseroka HDP'ê ya Bajêr Yasemîn Îba, rêveberên HDP û DBP'ê yên Qereyaziyê, Hevserokên MEYA-DER'ê, Hevşaredar û endamên meclîsa Şaredariyê amade bûn. Di çalakiyê de dirûşmên "Zext nikarin bi me" û "Bê Serok Jiyan Nabe" hatin qîrîn.

Sekna gel a li ber Midûriyeta Emniyetê ya Navçeyê dewam dike.