Piştî bi dawîbûna operasyona li bejahiya Reşa Sebrî ya 30 km dûrî navçeya Erzîrom Qereyaziyê, li bejahiya gundê Qertavin ê navçeya Agirî Tutaxê leşkerên Tirk derketin operasyonê. Gelê herêmê yê bi vê veguhastina leşkerî ya ber bi sêgoşeya Qereyazî, Patnos û Tutaxê hesiya, berê xwe da herêmê û weke mertalên zindî li herêmê disekine. Leşkerên derketin operasyonê tê gotin ku vekişin.

Mertalên zindî der barê mijarê da xuyaniyek dan û anîn ziman ku leşkeran beriya hefteyekê amadekariya operasyonê kirine û piştî bihîst operasyonê destpê kiriye ew weke mertalên zindî çûne cihê operasyonê û li ser vê yekê leşkeran xwe ji herêmê vekişandine.

Mertalên zindî dan xuyakirin ku ew ê heta danê êvarê li herêmê bisekinin û eger tevgereke leşkerî nebîne, ew ê dawî li çalakiyê bînin.