Rûniştina Doza KCK'ê ya Şaredarê Wanê Bekîr Kaya û rêveberên BDP'ê jî di navde 10 jê girtî 13 siyasetmedar tên darizandin îro serê sibê dest pe kir, taloqî sibê hat kirin.

1'emîn rûniştina doza KCK'ê ya Wanê ku di navde Şaredarê Wanê Bekîr Kaya jî heye 10 jê girtî 13 kes tên darizandin, li 4'emîn Dadgeha Cezayê Giran a Wanê pêk hat. Di 7'ê Hezîranê de di bin navê doza KCK'ê de li dijî şaredar û siyasetmedarên kurd ên Wanê operasyon hatibû lidarxistin û di operasyonê de Şaredar Bekir Kaya, Hevserokê BDP'a Wanê yê berê û Parêzerê Buroya Hiqûqê yê Sedsalê Cuneyt Canîş, Şarêdarê Elbakê yê berê Îhsan Guler, Serokê BDP'a Bêgirê Mehmet Şirin Yildiz, Şaredarê Qelqeliyê Murat Durmaz, Serokê BDP'a Elbakê yê berê Derviş Polat, Şaredarê Artemêtê Abdulkerim Sayan, Serokê BDP'a Çardêranê Metîn Adugît, Serokê BDP'a Erdîşê yê erê Velî Avci û Serokê BDP'ê yê Navçeya Navendî Halîs Çakir hatibûn girtin. Şaredara Sixkê Nezahat Erguneş, Hevseroka BDP'ê ya Wanê Mihrîban Şah Şaredara Elbakê Hecer Sarıhan serbest hatibûn berdan. Doza ku li 4'emîn Dadgeha Cezayê Giran a Wanê serê sibê dest pê kir, taloqî sibê hat kirin.