Polîsên Tirk êrîşî Amedî û parlamenterên li ber avahiya Şaredariyê ne, kirin. Tevî vê êrîşê jî gel li ber şaredariyê li ber xwe dide. Hejmara welatiyên li ber avahiya şaredariyê li hev civiyane, her zêde dibe.
Bi armanca şermerzarkirina binçavkirina Hevşaredarên Bajarê Mezin ê Amedê bi sedan eks hatin ber avahiya şaredariyê. Polîsên Tirk ên dor li avahiya şaredariyê girtine, êrîşî girseya gel a li ser kolana Lîse kirin.
Li dijî vê êrîşa polîsan Parlamenterên HDP'ê Feleknas Ûca, Besîme Konca û Ayşe Acar Başaran derketin pêşiya TOMA. Polîsên Tirk bi ser wekîlan ve meşiyan û bi ço û mertalan êrîşî Ûca, Konca û Başaran kirin. Ji ber lêdana bi ço, Ûca ji ser hişê xwe çû.
Tevî vê êrîşa dijwar a polîsên Tirk jî , Amedî ji kolana Lîseyê dernakevin û bi qîrîna "Em ê bi berxwedanê bi ser bikevin" û "Zext nikarin bi me" li ber xwe didin.
Hejmara mirovên li herêmê li be xwe didin, kêlî bi kêlî zêde dibe.
