Navenda Çapemeniyê ya YPG'ê da xuyakirin ku Pêngava Fermandar Rûbar Qamişlo ya ji bo rizgarkirina gund û bejahiya Kantona Cizîrê, di roja 20. de bi awayekî serketî dewam dike.

Navendê diyar kir ku hêzên YPG/YPJ'ê şevê din gundên Şara û Til Qlea yên 35 kîlometre li başûrrojavayê Serêkaniyê ne, ji çeteyan paqij kirine.

Di daxuyaniyê de hat ragihandin ku îro danê sibehê jî, hêzên YPG/YPJ'ê ber bi gundê Mebrûkayê ve bi pêş ve diçin, lê der barê encama operasyona li vê derê de agahiyeke zelal nehat bidestxistin.