Merasîma li Goristana Şehîd Dîcle, bi rêzgirtinê dest pê kir. Di axaftinan de hate gotin ku wê bîranînên Kizilbaş zindî bêne hiştin.

Merasîm, piştre li Navenda Çandê ya Paramaz Kizilbaş a li wargeha Miştenûrê berdewam kir. Di merasîmê de ku bi tevlîbûna malbatên şehîdan û şêniyên wargehê pêk hat, piştî pêşendana sînevîzyonê ya têkîldarî jiyana Kizilbaş, Nûnera Saziya Yekîtî û Piştgiriya Gelan Berîtan Asya nameya Paramaz Kizilbaş a ku ji bo hevrê û dostên xwe hiştibû xwend.

Piştî name hate xwendin, Asya axivî, diyar kir ku Paramaz Kizilbaş wek zarokê malbateke Tirk û Çerkez tevlî berxwedana Kobanê bûye, bi nav û paşnavê xwe ve têkoşîna gelên bindest bi Şoreşa Rojava re kiriye yek.

Asya bi bîr xist ku Kizilbaş di parastina Miştenûrê de jiyana xwe ji dest daye, wiha dewam kir; “Dirûşmeya esasî ya hevrê Paramaz xwişktî û biratiya gelan bû. Armanca partiya wî MLKP’ê jî li Rojhilata Navîn damezirandina yekîtiya gelan e û li ser vê rastiyê jî hevrê Paramaz li ser banga MLKP’ê tevlî şerê Kobanê bû. Paramaz, malbata xwe, jiyan û her tiştê xwe li dûv xwe hişt û gihişt qêrîna Kobanê. Em careke din soz didin hevrê Paramaz û tevahî şehîdên şoreşê ku em ê îdealên wan û vê şoreşê mezintir bikin.”

Piştî axaftinan, aktîvîte bi stran û helbestan bi dawî bû.