Duh bi şev li qawîşa zarokan a Girtîgeha Tîpa T a Şirnexê serhildan çêbibû. Heta niha hê jî rayedarên dewleta Tirk û rêveberiya girtîgehê der barê bûyerê de ti daxuyanî nedane. Li gel vê eşkere bû ku zarokê duh li girtîgehê jiyana xwe ji dest daye Cegerxwîn Akdenîz ê ji Amedê ye. Di serhildanê de li gel Akdenîz zarokekî din jî bi giranî birîndar bibû, lê heta niha navê wî nehatiye diyarkirin û hê jî li Nexweşxaneya Dewletê ya Şirnexê tê dermankirin û hat diyarkirin ku rewşa wî giran e.

Her wiha tê payîn ku sibehê malbata Akdenîz a ku li Mêrsînê dijî were Şirnexê û cenazeyê zarokê xwe werbigirin.