Li Wanê operasyonên siyasî hate protestokirin. Di çalakiya ku dirûşmên berxwedanê der ketin pêş de, daxwaz kirin ku peyama Ocalan bê li ber çav girtin. Geveriyê HDP’yî jî diyar kir ku ‘Yekane qelaya’ li pêşiya AKP’ê, HDP’ ye.
Li Wanê operasyonkên siyasî yên ku hevserokên navçe û bajaran hatin binçavkirin û girtin hatin protestokirin.
Endam û rêveberên HDP û DBP'ê, bi armanca serdegirtina avahiyen xwe û binçavkirina hevserokên partiyê şermezar bikin li Kolana Hunerê daxuyanî dan çapemeniyê. Rêveberan di daxuyaniyê de pankarta "Li dijî derbeyên siyasî, tekoşîna xwe bilind bikin" vekir û silogana "Zext me bêzar nakin" berz kirin. Di çalakiyê de Parlementerê HDP Adem Geverî, Hevşaredarê Bajarê Mezin ê Wanê Bekîr Kaya, rêveberên HDP û DBP'ê, Endamên Meclîsa Dayîkên Aştiyê û gelek kesên din amade bûn.
Cîgirê Hevserokê DBP'ê yê Wanê Ahmet Aygun diyar ku piştî hewldana darbeye ya 15 Tirmehê li şûna dijberî cemaatê dijberî Gelê Kurd êrîş û zext zêde bûne. Aygûn anî ziman ku AKP li dijî kurdan dest bi xirekirin û qetilkirinê kiriye û got: "Rejîma Erdogan li dijî gelê kurd şerê tevahî daye destpêkirin. Ji ber ku gelê kurd diber xwe dide rastî êrîşên dijwar ên Erdogan û hikûmeta wî tên. Çawa di salên 1990'an de me li dijî êrîşên înkar û îmhayê yên Tansû Çîller, Dogan Gureş û Mehmet Agar serî netewand em niha jî serî natewînin û em wê heta dawî di ber xwe bidin.
Parlementerê HDP Adem Geverî jî diyar kir ku HDP li Tirkiyê keleha siyasetê ye û siyaseta demokratîk dimeşîne. Geverî, destnişan kir ku ji ber HDP siyaseta muxalif dimeşîne rastî êrîşên AKP'e û Erdogan tê û got: "Em jî wek siyasetmedarên gelê Kurd wê li dijî rejîma antî demoqratîk tekoşîne xwe hîn bilind bikin."
Daxuyanî bi çepikan û dirûşmeya "Zext nikare me bi tewîne" bi dawî bû.
