Pevçûnên di 2’yê Îlonê de li navçeya Elkê ya Şirnexê dest pê kirin didomin. 18 cerdevanên nexwestin biçin leşkeriyê daxwaznameyên xwe îstîfayê dan Fermandariya Cendirmeyan a Navçeyê. Di rojên borî de ji berheman sedeman 11 cerdevanan çek danîbûn. Bi vî awayî hejmara cerdevanên li navçeya Elkê çek danîn gihişt 29’an.

20 cerdevanên li gundên Elemûn û Aroşê yên navçeya Qilabana Şirnexê bi awayeke bi komî çekên xwe danîn. Hate zanîn cerdevanan daxwaznameyên xwe yên îstîfayê dabûn Fermandariya Tûgayê ya li gundê Bêcuh . hate diyarkirin ku hin cerdevanên din ji bo îstîfayê serî li Fermandariya Tûgaya Bêcuh dane, lê belê daxwazname hatine redkirin.

Her wiha, li gundê Heşet ê navçeya Berwarî ya Sêrtê jî 4 cerdevanan çek danîn. Li gundê Heşet 13 cerdevan hebûn. Çar cerdevanên bi navê Şukru Batıhan, Ramazan Bahadir, A. Celil Alptekin û Şemdin Akdag çekên xwe radestê Fermandariya Cendirmeyan a Navçeya Berwariyê kirin. Tê payîn ku cerdevanên din jî ên li gund çekên xwe deynin.