Piştî îstifayê cerdevanên li Mehsertê, li gundê Kelapozreşa (Hîsarkaya) yê Stewrê jî 12 cerdevanan ji bo îstifayê serî li Qereqola Jendermeyan a Navçeyê dan.

Piştî li gundên girêdayî navçeya Mehsertê ya Mêrdînê 34 cerdevanan wek nerazîbûna li hemberî êrîşên qirkirinê yên li ser Kurdistanê îstifa kirin û çek danîn, vê carê jî li Stewrê 12 cerdevanan ji bo çekdanînê serî li Qereqola Jendermeyan a Navçeyê dan. 12 cerdevanên ji gundê Kelapozreşa yê Stewrê daxwaznameyên xwe yên îstifayê dan Qereqola Jendermeyan a Navçeyê. Li gorî agahiyên çavkaniyên herêmî, qereqolê jî bersiva “heta 16’ê Nîsanê rawestin” dane daxwaza îstifayê.