Îro danê sibehê saet di 05:30 de, li ser rêya Şengal-Kizilkentê, gerîlayan li hemberî çeteyan hin rêze çalakî lidar xistin.

Di çalakiya destpêkê de du maşînên çeteyên DAIŞ'ê hatin rûxandin, 2 çete hatin kuştin.

Li hemberî 2 çeteyên DAIŞ'ê yên li heman xetê li dewriyê digeriyan, çalakiya sabotajê pêk hat. Di encama vê çalakiyê de jî çeteyek hat kuştin, çeteyek jî birîndar bû.

Di çalakiyeke din a sabotajê de jî 2 çeteyên DAIŞ'ê hatin kuştin.

Gerîlayên HPG/YJA STAR'ê duh li taxên Hey Nasir û Sîttî Zeynebê du çalakiyên sûîqestê lidar xistin. Li vir jî 2 çeteyên DAIŞ'ê hatin kuştin.

Li aliyê din, li navenda Şengalê jî bi çekên giran li dijî maşîneke leşkerî ya çeteyan çalakiyek pêk hat û çeteyek li vir hat kuştin.

Balafirên koalîsyonê jî, li mewziyên çeteyan xistin.