Navenda Ragihandinê ya HPG'ê da xuyakirin ku tevgera leşkerî ya artêşa Tirk dewam dike.

Di daxuyaniya HPG'ê ya li ser mijarê de ev agahî bi raya giştî re hat parvekirin:

"Di 1'ê Hezîranê saet di navbera 16:30 - 17:00 de li ser herêma Avaşînê balafirên şer ên artêşa T.C a dagirker tevgeriyan.

Di 1'ê Hezîranê saet di 15:00 de Qereqola Serbesta ya li navçeya Şirnex Qilabanê ya artêşa T.C a dagirker, bi çekên giran gule li derdorê reşandiye.

Di 1'ê Hezîranê saet di navbera 21:00 - 22:00 de li qada Lameç a navçeya Dêrsim Pilemûrê, pêgerên hewayî yên bê mirov ên artêşa T.C a dagirker keşif kirine.

Di 1'ê Hezîranê saet di navbera 13:00 - 16:30 de, pêgerên hewayî yên bê mirov ên artêşa T.C a dagirker li herêmên Kirê Kor û navenda Îdirê keşif kirine.

Di 1'ê Hezîranê saet di 08:30 de ber bi navçeya Amed Hênê û ji Agirî ber bi qereqola Koçê ya navçeya Erzîrom Qereyaziyê veguhastina leşkerî hat kirin."

BALAFIRÊN ÎRANÊ LI SER QENDÎLÊ KEŞFÊ DIKIN

HPG'ê ragihand ku di 1'ê Hezîranê saet di navbera 16:00 - 18:00 û 20:00 - 21:00 de artêşa Îranê li herêm Qendîlê bi pêgerên hewayî yên bê mirov re keşif kiriye.