Li Amedê personelên tenduristiyê yên li Nexweşxaneya Perwerde û Lêgerînê ya Gazî Yaşargîl, bi armanca şermezarkirina pêkanîna mobbîng çalakiya bi nepox pêk anîn.

Personelên tenduristiyê yên li Nexweşxaneya Perwerde û Lêgerînê ya Gazî Yaşargîl dixebitin, endamên ode komeleyan diyar kirin ku rastî pêkanîna mobbîng tên û çalakiya şermezarkirinê li dar xistin. Di çalakiya li ber nexweşxaneyê, Odeya Tabîban, Şaxa Amedê ya Komeleya Hekîmtiya Pratîsyen, Komeleya Doktorên Malbatan ê Aktîf, Sendîkaya Kedkarên Tenduristiyê, Odeya Dermansazan û welatiyan piştgirî dan. Xebatkarên tenduristiyê di çalakiyê de bi armanca şermezarkirinên mobîng nepox firandin.

Hat diyarkirin ku xebatkarên tenduristiyê, ode û komele wê sibe jî ber bi Sekreteriya Giştî ya Nexweşxaneyên Gelemperiyê bimeşin û daxuyaniya çapemeniyê bidin.