Li Geverê tîmên tevgera taybet êrîş birin ser taxên ku bi wesayîtên zirxî dorpêç kiribûn. Geveriyên li ser vê yekê derketin kolanan bi çalakiya dengderxistinê dest bi berxwedanê kirin û hiştin ku tîmên taybet ji taxan vekişin.
Li navçeya Colemêrg Geverê bi rojane ku gel li hember êrîşên tîmên taybet xweparastina xwe dike, tîmên tevgera taybet vê carê jî taxên Yeşîldere û Dîze dorpêç kirin. Tîmên taybet ku bi dehan panzer, wesayîtên zirxî û kepçeyên zirxî tax dorpêçkirin, rasterast gule berdan nav taxan. Tîmên taybet ku hewl dan barîkatên di ketina taxan de rakin û bikevin taxan, gel bi çalakiya dengderxistin, dirûşm û tiliyan bersiv da.
Geveriyan li hember dengê çek û teqînan bi dirûşm, tilîlî û beroşan xweparastina xwe girtin, destûr nedan tîmên tevgera taybet bigirin ser taxan. Tîmên taybet li hember berxwedana gel vekişiyan Kolana Eczaneyan.
