Bi sedan welatiyên Kantona Efrînê cenazeyên şervanê YPG‘ê Reşîd Xelîl (Mezlûm Doxan) ê di 6‘ê îlonê li nexweşxaneya Avrîn a Efrînê de jiyana xwe ji dest da û Cemo Ebdo (Rustem Şêrawa) yê li gundê Basûfanê jiyana xwe ji dest da, ji nexweşxaneya Avrîn a Efrînê wergirtin. Girseya gel cenazeyên her 2 şervanan bi karwanekî wesayîtan ber bi Goristan Şehîd Refîq a li gundê Metîna ya navçeya Şera ketin rê.

Girseya ku bê navber diruşmeyên dilsoziya bi cangoriyan re beriz dikirin, li rêya ketina goristanê cenaze ji wesayîtan daxistin û heta goristanê meşiyan. Li goristanê merasîmeke hate lidarxisitn.

Merasîm bi merasîmekî leşkerî ya şervanên YPG/YPJ‘ê destpê kir. Paşê Fermandara YPJ‘ê Gulbuhar Kavar, Rêveberê Meclîsa Malbatên Şehîdan a navçeya Şêrawa Mehmûd Cafer û Hevseroka Desteya Ciwan û Werzîşê Gulê Cemo axivîn.

Di axaftinan de komploya navnetewî ya li dijî Rêberê Gelê Kurd Abdullha Ocalan pêk hatibû, hate şermezar kirin. Her wiha soza şopandina doza têkoşeran û xwedîderketina ramanê Ocalan hate dûbarekirin.

Di dawiya merasîmê de ,girse cenazeyên her 2 şervanan bi diruşme û tilîliyên definkirin