Navenda Ragihandin û Çapemeniyê ya HPG'ê li ser operasyon, bombebaran û tevgera hewayî ya artêşa Tirk daxuyaniyeke nivîskî weşand.

Daxuyaniya HPG'ê bi vî rengî ye:

"Ji saet 19:30 ê 30'ê Nîsanê heta 1'ê Gulanê saet 05:00, li qadên Adil Beg û Mamreşo yên Avaşînê, pêgerên hewayî yên bê mirov û balafirên şer ên artêşa T.C a dagirker geriyane. Ev tevgera hewayî li qadên me yên gerîla zêde bûye. Li gorî vê yekê;

Ji saet 19:30 ê 30'ê Nîsanê heta saet 07:30 ê 1'ê Gulanê li herêma Metîna, di 30'ê Nîsanê saet di navbera 07:00 - 09:00, 14:00 - 15:00 û 23:00 - 00:00 li herêma Zapê, heman rojê saet di navbera 20:30 - 33:00 li herêma Xakurkê û saet di navbera 12:00 - 13:00 de li Geliyê Ûranîs ê navçeya Bedlîs Tetwanê pêgerên hewayî yên bê mirov ên artêşa T.C keşif kirine.

Di 30'ê Nîsanê saet di navbera 20:30 - 22:30 de li ser herêmên Metîna û Xakurkê balafirên şer tevgeriya ne.

Di 30'ê Nîsanê danê nîvro de ji qereqola Tornova ya navçeya Dêrsim Pulurê, bi obus û hawanan derdor hatiye bombekirin. Piştî bombebaranê artêşa T.C a dagirker li qada derdora qereqolê derketiye operasyonê. Operasyon danê êvarê bi awayekî bê encam bi dawî bûye.

Di 30'ê Nîsanê saet di navbera 06:00 - 11:00 de li navçeya Amed Hênê veguhastina leşkerî hatiye kirin. Saet di 12:00 de jî ji bo qereqola Heya Sor hejmareke zêde maşînên zirxî hatin veguhastin."