Li Amûdê kesên nenas wêneyên kesên di têkoşîna azadiyê de jiyana xwe ji dest dane, bi boyaxê reş kirn û gelê Amûdê nerazîbûneke tund nîşanî vê kiryara li hemberî nirxên xwe da û diyar kir ku ew ê rê nedin kiryarên bi vî rengî.

Doh li bajarê Amûdê kesên nenas wêneyên cangoriyên azadiya gelê kurd ku ji aliyê Meclisa Gel a Bajarê Amûdê beriya demekê hatibû dailqandin, hatin daxistin û bi boyaxa reş hate boyaxkirin.

Kiryarên van kesan bû sedema nerazîbûna gelê bajêr û gelê bajêr peyam da ku ew ê kesên ku van kiryaran dikin bê ceza nehêlin.

Saziya Malbatên Şehîdan xwest ku ev kesên ku bi van kiryarên kirêt li himber nirxên gel dikin, bê ceza nemîne û wana weke “kesên bê ehlaq” bi nav kir.