Hevserokên Giştî yên HDP'ê Selahattîn Demîrtaş û Fîgen Yuksekdag, ji bo Serokê Giştî yê Damezrîner ê DEHAP'ê Mehmet Abbasoglû, peyama sersaxiyê weşandin.

Di peyamê de hat gotin, "Hevrêyê me yê giranbuha, di operasyonên qirkirina siyasî yên bi navê 'KCK'ê de hatibû binçavkirin û girtin. Di pênc salên li girtîgehê de bi nexweşiya kanserê ketibû. Hevrêyê me Mehmet Abbasoglû li nexweşxaneya tedawiya kanserê lê didît jiyana xwe ji dest da. Bila rehma Xwedê lê be û serê malbat, xizmên wî û tevahiya gelên me sax be."