Navenda Ragihandin û Çapemeniyê ya HPG’ê têkildarî tevgera leşkerî ya artêşa Tirk daxuyaniyeke nivîskî weşand.

HPG’ê di daxuyaniya xwe de bal kişand ser van xisûsan:

“Di navbera 24’ê Gulanê saet 14:00 - 14:30 û 25’ê Gulanê (îro) saet 07:00 - 07:30’î de li herêma Qendîl a girêdayî Herêmên me yên Parastinê yên Medya, 24’ê Gulanê saet di navbera 22:00 - 23:00’î de li herêma Metîna tevgera balafirên şer a artêşa TC a dagirker rû daye.

23’ê Gulanê saet di navbera 16:00 - 18:00’an de li ser xera sînor a herêma Xakurkê ya yek ji Herêmên me yên Parastinê yên Medya ye pêgerên hewayî yên bê mirov ên artêşa T.C a dagirker keşf pêk anîne.

24’ê Gulanê saet 17:30'î Qereqola Oremar a girêdayî navçeya Gever a Colemêrgê li hember qada Şehîd Bager a li ser xeta sînorê herêma Avaşîn a girêdayî Herêmên me yên Parastinê yên Medya bi tankan bombardûmanek pêk aniye. Hêzên me yên gerîla li hember vê êrîşa artêşa Tirk bi armanca hişyariyê gule berdane.

24’ê Gulanê danê sibehê artêşa T.C a dagirker herêma Orman (Daristan) a girêdayî navçeya Sarikamiş a Qersê operasyonek daye destpêkirin. Li herêma operasyonê kemîn danîne.

Her wiha artêşa Tirk; sibeha 24’ê Gulanê li derdora gundê Kizil Çûbûk ê girêdayî Sarikamiş û 25’ê Gulanê saet 01.30’î li qada Tepê Kewê Spî yê li gundê Ecema yê girêdayî Bazidê kemîn danîne.

25’ê Gulanê (îro) saet di navbera 09:30 - 12:00’an de pêgerên hewayî yên artêşa Tirk li ser qada Sîgena ya Agirî bi armanca keşfê geriyane.”