Navenda Ragihandin û Çapemeniyê ya HPG’ê têkîldarî çalakiyên gerîla û operasyonên artêşa Tirk de daxuyaniyek nivîskî weşand.

HPG’ê ragihand ku 2’yê Cotmehê saet 09.20’an gerîlayan li dijî leşkerên ku hewl didan ji qereqola Êrîş ya girêdayî navçeya Çelê ya Colemêrgê qada Ertûşê bide ber obusan, bi çekên giran çalakî li dar xistin. HPG’ê da xuyakirin ku di vê çalakiyê de leşkerek hate kuştin, leşkerek jî birîndar bû.

HPG’ê di daxuyaniya xwe de ev agahî parve kirin;

“1’ê Cotmehê saet 13.00-16.00’an hêzên me li dijî leşkerên ku li girê Şehîd Ronahî yê girêdayî qada Şemzînan a Colemêrgê xwe bi cih kiribûn bi hewanan çalakiyek li dar xistin. Di vê çalakiyê de hejmara leşkerên mirî û birîndar nehatin zelalkirin. Dîsa hêzên me bi awayekî hemwext bi hewanan leşkerên ku xwe li derdora Şehîd Gafûr ê girêdayî qada Oremarê bi cih kiribûn bombe kirin. Li vir hejmara leşkerên mirî û birîndar nehatin zelalkirin.

Artêşa TC operasyona ku li qada Mergêzerê ya girêdayî navçeya Gever a Colemêrgê dabû destpêkirin, 1’ê Cotmehê vekişand.

3’ê Cotmehê (îro) saet 06.00’an artêşa TC bi helîkopterên Kobra li gundên Katûna û Meleyan ê girêdayî qada Şemzînan a Colemêrgê dan. Bi awayekî hemwext jî bi helîkopterên Skorsky leşker danîn.”

NASNAMEYÊN 4 GERÎLAYAN

HPG’ê got; “30’ê Îlonê li qada Sêrtê hevalê me Azad û Dilsoz, 26’ê Îlonê li qada Mergêzerê jî hevalên me Şervan û Demhat dema operasyonên artêşa TC de bi şer şehîd bûn.”

Nasnameyên gerîlayan wiha ne;

Nasnav: Azad

Nav û Paşnav: Azad Donmez

Cihê Jidayikbûnê: Wan

Navê Dayik û Bav: Salîha - Alî

Dîrok û Cihê Şehadetê: 30’ê Îlona 2016’an / Sêrt

***

Nasnav: Dilsoz Herekol

Nav û Paşnav: Menderes Sevînç

Cihê Jidayikbûnê: Sêrt

Navê Dayik û Bav: Kûmrû - Hasan

Dîrok û Cihê Şehadetê: 30’ê Îlona 2016’an / Sêrt

***

Nasnav: Şervan Agît

Nav û Paşnav: Hasan Yaşa

Cihê Jidayikbûnê: Amed

Navê Dayik û Bav: Hatûn - Ahmet

Dîrok û Cihê Şehadetê: 26’ê Îlona 2016’an / Colemêrg

***

Nasnav: Demhat Azad

Nav û Paşnav: Firat Çiga

Cihê Jidayikbûnê: Şirnex

Navê Dayik û Bav: Ayşe - Mehmet

Dîrok û Cihê Şehadetê: 25’ê Îlona 2016’an / Colemêrg