Di çarçoveya operasyonên qirkirina siyasî de hevseroka DBP'ê ya bajaroka Dêrgûlê Aziye Durak li bajarokê Qesirgê hat binçavkirin û bi wesayîtên zirxî birin Midûriyeta Emniyetê ya Şirnexê.

Di çarçoveya operasyonên qirkirina siyasî ya hikûmeta AKP'ê de Hevseroka DBP'ê ya Bajaroka Dêrgûlê ya Şirnexê Aziye Durak li bajaroka Qesirgê hat binçavkirin. Durak bi saetan li Qesirgê hat rawestandin û piştre jî bi wesayîtên zirxî bi hinceta îfadeyê birin Midûriyeta Emniyetê ya Şirnexê. Sedema binçavkirina Durak nehat zanîn. 

Ji beriya 4 rojan hêzên dewletê ser mala Durak de girtibûn û Durak piştî serdegirtina male îfade dabû.