Gundê Alya yê li bakurrojavayê Til Temirê, ku wekî navenda herêmek berfireh tê zanîn, ji aliyê şervanên YPG/YPJ'ê ve ji çeteyên DAIŞ’ê hate rizgarkirin.

Li gorî agahiyên ku nûçegihanên ANHA’yê ji herêma şer ragihandin, hêzên YPG/YPJ'ê di çarçoveya operasyona ku li dijî DAIŞ’ê dabûn destpêkirin de, şevê din li hemberî gundê Alya ku di destê çeteyan de bû, çalakî lidar xistin. 

Di encama çalakiyê de gundê Alya ku 25 kîlometre li bakurrojavayê Til Temirê ye û weke navenda herêmeke berfireh tê naskirin, bi temamî ji çeteyan hate paqijkirin.