Hevserokatiya Rêxistina DBP’ê ya Dêrsimê, bi armanca şermezarkirina girtina Hevserokê Rêxistina DBP’ê ya Dêrsimê Ergîn Dogru, binçavkirin û girtinên demên dawî  li Qada Azadiyê daxuyaniyeke çapemeniyê da.

Di daxuyaniya çapemeniyê de namzeta parlamenteriyê ya Dêrsimê Edîbe Şahîn, Hevşaredarên Dêrsimê Nûrhayat Altûn û Mehmet Alî Bûl, nûner û endamên rêxistinên civaka sîvîl û partiyên siyasî amade bûn.

Hevseroka DBP’ê ya Dêrsimê Melek Dolaz girtina Hevserokê Rêxistina DBP’ê ya Dêrsimê Ergîn Dogru bi zimanekî tund rexne kir û got: “Hikûmeta AKP’ê bi girtina rêveber û endamên me hewl dide me bitirsîne. Lê belê ev weke duh îro jî bi ser neketiye û wê bi ser nekeve. Tevî her tiştî em di têkoşînê de bi israr in.”

Piştî daxuyaniya çapemeniyê ya li Qada Azadiyê girse bi çepikan ji qadê veqetiya.