Gerîlayê HPG'ê Huseyîn Ugur (Rojhat Tûfan) ê ku di 28'ê Gulanê de li gel 4 hevalên xwe li navçeya Stewrê ya Mêrdînê di şer de jiyana xwe ji dest dabû, li gundê Sultan Şêxmûs ê Artûklûya Mêrdînê hat veşartin. Li gel malbata Ûgûr, nûnerên MEYA-DER',ê hevserok û rêveberên DBP/HDP'ê yên Artûklûyê tevlî merasîma cenazeyê bûn. Cenazeyê Ugur bi dua û berzkirina dirûşmeyan hate definkirin.

Her wiha cenazeyên her 4 gerîlayên HPG'ê yên ku hê nehatine teşxîskirin jî li Nexweşxaneya Dewletê ya Qoserê tên ragirtin.