FGD, êrîşên desthilatdariya AKP'ê yên di dema hilbijartinê de zêde bûne, bi daxuyaniyeke çapemeniyê şermezar kir.

Federasyona Gelan a Demokratîk (FGD) der barê êrîşên desthilatdariya AKP'ê yên di dema hilbijartinê de zêde bûne daxuyaniyek da çapemeniyê. Di dema dayîna daxuyaniyê de Hevserokên HDP û DBP'ê yên bajar û navçeya navendî, nûnerên rêxistinên civakî yên sivîl amade bûn.

Nûnerê FGD Tahîr Demîrtaş daxuyanî da û diyar kir ku serdegirtinên tên kirin, bi hinceta tevlîbûna li bîranîna Berkîn Elvan, çalakiyên 1'ê Gulanê tên kirin. Hat bibîrxistin ku kompûter, kamera û dîskên namzetê parlamenteriyê yê HDP'ê yê Stenbolê Erdal Ataş hatine desteserkirin.

Nûnerê FGD'ê Tahîr Demîrtaş anî ziman ku wan careke din bi serdegirtinên nîvê şevê û binçavkirina karker, kedkar û xwendekaran dest bi rojê kirine û got, "Tevlîbûna li 1'ê Gulanê, protestokirina komkujiyên li hemberî jinan tên kirin, bîranîna Berkîn Elvan û hesabpirsîna ji kujeran ne sûc e."

Di daxuyaniyê de zext û êrîşan hatin protestokirin û girseya gel bi qîrîna dirûşmeyan ji meydana azadiyê belav bû.