Li bajarê Elmanya Munchenê, êrîşa li dijî mîtînga HDP'ê ya li Amedê hat prostokirin. Di çalakiyê de banga dengdayînê hat kirin.

Bi qasî 200 Kurdistanî beşdarî mîtînga ji aliyê DÎDF û hêzên demokrasiyê ve hat organîzekirin bûn. Di çalakiyê de wêneyên Rêberê Gelê Kurd Abdullah Ocalan, alên KCK û HDP'ê hatin hilgirtin û dirûşmên "Dîktator Erdogan," "Kujer Erdogan", "HDP gel e gel li vir e" qîriyan.

Di daxuyaniya li ser navê Platforma HDP'ê ya Munchenê de hat ragihandin ku AKP hewl dide hilbijartinan asteng bike û bal hat kişandina ser êrîşên li Erzîrom, Kanîreş û Amedê. Di çalakiyê de her wiha banga dengdayînê li gel hat kirin.

ÇALAKGERÊN G-7 JÎ ÊRÎŞ PROTESTO KIRIN

Li Garmîsch-Partenkîrchenê jî çalakgerên civîna bilind a G-7 protesto dikin, êrîşa li Amedê şermezar kirin. Di çalakiya ku YXK'ê destek dayê de dirûşma "Bijî piştevaniya enternasyonalîst" hat qîrîn.