Komeleya Hiqûqnasên Mezopotamyayê êrîşa li dijî HDP’ê lanet kirin û hişyariya ‘Em dixwazin encamên ku berê ji ber bikaranîna usluba ku dewlet û hikûmetê bikar dianî û di navbera gelan de newekhevî dikir, bibîr bînin’  kir. Her wiha ji bo hiqûqnasan jî bang hat kirin.

Komeleya Hiqûqnasên Mezopotamyayê, têkildarî êrîşên bombeyî yên li dijî avahiyên HDP’a Mersîn û Edeneyê de daxuyaniyek nivîskî da.

BAL KIŞAND SER ROLA SEROKKOMAR Û HIKÛMETÊ

Di berdewamiya daxuyaniyê de wiha hate gotin: “Ji hilbijartinên ku wê qedera gelên Kurdistan û Tirkiyeyê diyar bike re demek kurt ma. Lê êrîşên ku ewlehiya hilbijartinê û Partiya Demokratîk a Gelan hedef digire pêk tên. Di pêvajoya hilbijartinê de 64 buroyên hilbijartinê yên HDP’ê rastî êrîşê hatine lê têkildarî van êrîşan de ti lêpirsînek nehatiye destpêkirin û  êrîşkar bê ceza mane. Ji îro û pê ve, êrîşên li Edene û Mersînê pêk hatine, nîşan didin ku êrîş plankirî û rêxistinkirî ne.

Êrîş ji ber gotinên nefret û tehdîdên serokkomar, serokwezîr û rayedarên hikûmetê pêk tên. Em dixwazin encamên ku berê ji ber bikaranîna usluba ku dewlet û hikûmetê bikar dianî û di navbera gelan de newekhevî dikir bibîr bînin.”

BANG LI HIQÛQNASAN HAT KIRIN

Komeleya Hiqûqnasên Mezopotamyayê êrîşên li dijî HDP’ê lanet kir û got: “Em bang li hemû hevpîşeyên xwe dikin ku ji bo ewlehiya hilbijartinê aktîf rola xwe bilîzin û li dijî êrîşên li hemberî demokrasiyê bibin xwedî helwest.”