Gerîlayên HPG û YJA Starê yên li ser sînorê Başûrê Kurdistanê di parastina Kerkûkê de cih digirin û li dijî DAIŞ'ê têdikoşin, komploya navneteweyî ku di sala 18'an de ye şermezar kirin. Gerîlayan ji bo azadiya Rêberê Gelê Kurd Abdullah Ocalan û azadiya Kurdistanê banga têkoşînê kirin.

Gerîlayê HPG'ê Rûber Sîrwan da xuyakirin, ku komploya navneteweyî ya 9'ê Cotmehê ne tenê li dijî Rêberê Gelê Kurd Abdullah Ocalan hatiye kirin; ji ber ku bi felsefeya xwe têkoşîna gelan ronî dike, li dijî hemû gelan hatiye kirin. Sîrwan got, "9'ê Cotmehê ji bo me rojeke reş e. Di vê komploya li dijî Rêberê Gelan Rêber Apo de, hemû dewletê kapîtal cih girtin. Ev komplo ji aliyê kê ve hat kirin, çima hat kirin? Ev ji bo me zelal e. Ev komplo ne tenê li dijî Rêber Apo hatiye kirin. Di şexsê wî de li dijî têkoşîna bi rûmet a gelan hatiye kirin." Sîrwan bibîr xist, ku di ser komployê re 17 sal derbas bûne û tevî vê yekê jî têkoşîna azadiyê ya Kurd hê bi biryar e û nêzî azadiyê ye."

Gerîlayê HPG'ê Serhat Gabar jî got, "Em vê komploya li dijî Rêberê me hatiye kirin, lenet dikin. Rêberê me îro di nava tecrîdeke giran de têdikoşe. Em ê jî heta azadiya Rêberê xwe, bi rengekî bêtawîz têbikoşin. Li hemberî polîtîkayên qirêj ên li dijî Rêberê me, ji heft heta heftê salî em têkoşîna xwe bilind bikin û ji bo azadiya Rêberê xwe û Kurdistanê têbikoşin."

Gerîlaya YJA Starê Nesrîn Dêrik bibîr xist, ku bi komploya navneteweyî re di şexsê Rêberê Gelê Kurd Abdullah Ocalan de hewl hatiye dayîn têkoşîna azadiyê bê tinekirin, lê ev hesab bi ser neketiye. Dêrik got, "Weke milîtanên fedayî yên Rêber Apo yên di xeta azadiya jinê de ne, her yek ji me wê bibe bombe û li metropolên Tirk biteqe. Em ê demek ji ya din zûtir Rêberê xwe azad bikin."