Di roja duyemîn de Platforma Danûstandinên Demokratîk ên Sûriyeyê li Navenda Çand û Hunerê ya Aram Tîgran a li bajarokê Rimêlanê bi tevlîbûna 160 kesayetên muxalif ên Sûriyeyê dest pê kir.

Îro wê di Platforma Danûstandinên Demokratîk ên Sûriyeyê de semînerên li ser tecrûbeya Rêveberiya Xweseriya Demokratîk û sîstema federaliya demokratîk werin dayîn.

Di rûniştina yekem de wê li belgefilmeke ku li ser tecrûbeya Rêveberiya Xweseriya Demokratîk hatiye amadekirin û 15 deqeyan dirêj e were guhdarkirin. Hevseroka Meclisa Sûriyeya Demokratîk (MSD) Ilham Ehmed wê semînera bi serenavê `Pêdiviya bi Rêveberiya Xweseriya Demokratîk` bide.

Ekrem Hiso û Elîzabith Gewriye û Hisên El-Ezam wê li ser `Ji bo pêkhateya Ereb, Suryan û Kurd tecrûbeya Rêveberiya Xweser` semînerê bidin.

Hevseroka Meclisa Damezrandina Sîstema Federaliya Demokratîk a Rojava-Bakurê Sûriyeyê Hediye Yûsif wê bi serenavê `Ji bo jinê tecrûbeya Rêveberiya Xweser` semînerê bide. Piştî ku semîner bi dawî bibin wê li ser mijarên semîran nirxandin werin kirin.