Xebatkarên Şaredariya Kayapinarê ya Amedê ku her hefte  ji bo girtina şaredarê Kayapinara Amedê Zulkuf Karatekîn û cigirê şaredar Sabahattîn Dînç û siyasetmedarên kurd ‘Çalakiyên Pêncşema Reş’ pêk tînin vê hefteyê ya 153’emîn pêk anîn.

Çalakiya ku li ber avahiya xizmetê ya şaredariyê pêk hat, cigirê şaredarê Kayainarê Îhsan Avci, serokê Kurdî-Derê Sabahattîn Gultekîn, serokê Şaxa Tum Bel-Senê ya Amedê Medenî Alkpkaya, nûnerên Sendîkaya Genel-Îşê, dayikên Aştiyê, endamên Meclisê û xebatkarên şaradariyê tevlî bûn.

Serokê Kurdî-Derê Sabahattîn Gultekîn di çalakiyê de axivî û bang  kir ku divê hevdîtinên bi Îmraliyê re hatine dest pêkirin bidome. Gultekîn da zanîn ku ji bo aştiyeke bi rumet divê pêvajoya Îmraliyê bidome û wiha dirêjî da axaftina xwe: “Ji bilî diyalogê tu tişt pirsgirêkê çareser nake. Divê zextên li ser zimanê kurdî rabe.  Her wiha li aliyekê pêvajoya diyalogê didome û li aliyê din jî operasyonên leşkerî diome. Ev jî piştgiriyê nade çareseriyê.”

Piştî axaftinan Çalakiya Pêncşema Reş bi çalakiya runiştinê ya 5 deqeyan bi dawî bû.