Şevê din gerîlayên HPG’ê bi awayeke hemwext li navçeya Qisle ya Dêrsimê bi ser Qereqola Cendirmeyan a Şehît Mehmet û Qereqola Cendirmeyan a Gokçekê de girtin. Di encamê de herî kêm 2 leşker mirin û 7 leşker birîndar bûn. Hate ragihandin ku fermandarê Qereqola Cendirmeyan a Şehît Mehmet jî birîndar bûye.

Komek gerîlayên HPG’ê şevê din saet di 21.00'an de li dijî Qereqola Cendirmeyan a Şehit Mehmet û Qereqola Cendirmeyan a Gokçekê yên navçeya Qisleya Dêrsime ku 25 kîlometre dûrî Dêrsimê ye êrîşa bi roket û çekên giran pêk anîn. Di encamê de herî kêm 2 leşker mirin, 7 leşker birîndar bûn. Hat zanîn ku fermandarê Qereqola Cendirmeyan a Şehît Mehmet jî birîndar bûye û rakirine Nexweşxaneya Dewletê ya Xarpêtê (Elezîz).

Pevçûna piştî çalakiya gerîlayn heta derengiya şevê berdewam kir. Operasyona li herêmê hate destpêkirin jî didome.