Girtiyê siyasî yê Kurd Kûlînk Sevîlgen ku li girtîgeha Bandirmayê jiyana xwe ji dest da, derket holê ku ji ber ku doktor û ambulans tinebû mudaxaleyê Sevîlgen nehatiye kirin.

Li girtîgehên Tirkiyeyê û Bakurê Kurdistanê ji ber polîtîkayên dewletê yên li ser girtiyan, mirinên li girtîgehan didomin. Binpêkirinên li ser girtiyan û şert û mercên giran yên girtîgehan rê li ber mirinên girtiyên nexweş vedike.

LI GIRTÎGEHÊ DOKTOR TINE BÛ

Girtiyê siyasî yê Kurd Kûlînk Sevîlgen ku li Girtîgeha Hejmar 1 a Tîpa Bandirma ya Balikesîrê girtîbû duh di saetên êvarê de qeyrana dil derbas kir û jiyana xwe ji  dest da. Cenazeyê Sevîlgen ji bo otopiyê şandin Saziya Tipa Edlî ya Bursayê. Piştî otopsiyê cenazeyê wî ji aliyê malbata wî ya ji Mêrsînê hatibûn, rayedarên TAY-DER û HDP’a Bursayê ve hat girtin û şandin Mêrsînê.

Girtiyên li Girtîgeha Bandirmayê dimînin diyar kirin ku mirina Sevîlgen, gelek xemsariyên îdareya girtîgehê hene.

Girtiyan da zanîn ku dema Sevîlgen nerehet bûye, li revîrê doktor tinebûne û mudaxale nekirine û li revîrê ji bilî dermanan ti tiştek ji bo nexweşan nayê kirin. 

AMBULANS SAETEK ŞÛNDE HAT

Dîsa hat gotin ku ji ber li girtîgehê ambulans tinebû û saetek şûnde hatiye mudaxaleya li Sevîlgen dereng ketiye. Hat hînbûn ku Sevîlgen ligel kurê apê xwe Celalettîn Elçîçek ku li heman girtîgehê dimîne nerehet bûye û jiyana xwe ji dest daye.

DERENG AGAHÎ DAN MALBATÊ

Hat diyarkirin ku Elçîçek xwestiye Sevîlgen cara dawî bibîne lê îdareya girtîgehê red kiriye û Elçîçek xwestiye bi telefonê ji malbatê re bêje ku Sevîlgen jiyana xwe ji dest daye lê destûr nedane. Sevîlgen saet di 01.00’and e jiyana xwe ji dest dide lê saet di 03.30’an de agahiyê didin malbatê.

Hat hînbûn ku li revîrê di navbera girtiyên edlî û siyasî de nêzîkatiyên cuda nîşan didin.