Li Nisêbîna ku ev 14 roj in êrîşên giran û bomberdûman lê tê kirin, berxwedana hêzên YPS û YPS Jin bê navber dewam dike.

Çeteyê Qesrê bi rojane bi bikaranîna çekên giran, tank, top û hawanan re hewl didin bikevin nava taxan, lê bi gavekê jî bi pêş de neçûne. Her gava hewl dide bikeve nava taxan, ji neçarî xwe vedikişînin.

Li dû şerê giran ê duh, danê êvarê topbaran hat kirin. Ji ber topbaranê gelek xanî xera bûn.

Danê sibehê teqîneke dijwar rû da û piştî vê teqînê, çeteyên Qesrê yên dor li çar aliyên taxan girtine, dest bi bomberdûmanê kirin.

Her wiha ambûlans li herêmê di nava liv û tevgerê de ne. Êrîşên giran ên li hemberî taxên berxwedanê dewam dikin.