Cenazeyê 2 gerîlayên HPG’ê yên li Çewlikê dema di amadekariyên zivistanê de jiyana xwe ji dest dan, li bejahiya Azarpêrt radestî malbatan hatin kirin. Cenaze anîn Nexweşxaneya Dewletê ya Gêxî.

Cenazeyên gerîlayên HPG’ê Hasan Avci (Harûn Kanîreş) û Fehmî Yilmaz (Egîd Kop) ên 10’ê Sibatê li bejahiya gundê Înak ê Azarpêrt dema di amadekariyên zivistanê de jiyana xwe ji dest dan, ji aliyê malbatan ve ji gerîlayan hatin wergirtin. Cenazeyên ji bejahiya gund hatin wergirtin anîn navenda Azarpêrt. Cenazeyên gerîlayan ku li vir bi girseyî hatin pêşwazîkirin birin Nexweşxaneya Dewletê ya Gêxî. Piştî karûbarên otopsiyê yên li Nexweşxaneyê wê cenazeyê Hasan Avci bişînin Kanîreş a Çewlikê, cenazeyê Fehmî Yilmaz bişînin Gimgim a Mûşê.