Cenazeyê şervanê YPG'ê Xityar Hesekê, ku ji ber nexweşiya penceşêrê jiyana xwe ji dest da, hat veşartin.

Şêniyên bajarê Hesekê, cenazeyê şervanê YPG`ê Xityar Heseke (Hemîd El-Xedîr) ê di 3'ê Cotmehê de ji ber nexweşiya penceşêrê jiyana xwe ji dest da, bi merasîmekê li goristana Şehîd Dijwar a li gundê Dawidiyê spartin axê. 

Girseya gel cenazeyê Xityar ji Navenda Meclîsa Malbatên Şehîdan wergirtin û karwanekî wesayîtan  ber bi goristana Şehîd Dijwar a li gundê Dawidiyê ve bir.

Merasîmê bi deqeyeke rêzgirtinê dest pê kir. Paşê Endama Meclîsa Malbatên Şehîdan Sebah El-Ehmed, Şervanê YPG`ê Zekî Kobanê, Endamê Komîteya Têkiliyên Tevgera Civaka Demokratîk Cîhad El-Licî di merasîmê de axivîn.

Qisekeran sersaxî ji malbata şervanê YPG`ê Xityar Heseke û hemû malbatên cangoriyan re xwestin û gotin, têkoşer ji bo azadî û parastina hemû pêkhateyan canê xwe feda dikin.

Di axaftinan de êrîşên li ser pêkhateyên Rojava hate şermezarkirin û bang li hemû pêkhateyan hate kirin li derdora Rêveberiya Xweseriya Demokratîk û YPJ/YPG`ê, QSD`ê kombibin û cihê xwe di parstina destketiyên Rojava û Bakurê Sûriyeyê biparêzin.

Di dawiya merasîmê de girseya gel cenazeyê şervanê YPG’ê Xityar Hesekê li ber dirûşman veşart.