Cenazeyê şervanê YPS'ê Xeyettûllah Alkan (Rizgar Amed), ku di berxwedana xwerêveberiyê ya Geverê de jiyana xwe ji dest da, piştî testa DNA'yê ji malbatê malbatê ve hat girtin û birin navçeya Hênê ya Amedê.

Cenaze bi konvoyeke ji wesayîtan anîn gundê Enehîrê. Li vê derê merasîmek hat lidarxistin û tevî rêveberên DBP, HDP û MEYA-DER'ê bi sedan kes tevlî bûn.

Girseya gel li pêşiya gund bi qîrîna dirûşman cenazeyê Alkan pêşwazî kir û li dû bicihanîna wecîbeyên olî birin goristana gund.

Cenaze li ber qîrîna dirûşmên "Şehîd namirin" û "Ey şehîd xwîna te li erdê namîne" hat veşartin. Dûre deqeyek rêz hat girtin.

Malbata Alkan li mala xwe ya li gundê Enehîrê pêşwaziya serdanên sersaxiyê dike.