Cenazeyê Serokê Giştî yê DEHAP'ê Mehmet Abbasoglu ku ji ber nexweşiya pençeşêrê jiyana xwe ji dest da, ji Amedê şandin Dêrsimê.

Serokê Giştî yê Partiya Gel a Demokratîk (DEHAP) Mehmet Abbasoglu, duh ji ber nexweşiya pençeşêrê li nexweşxaneyek taybet a li Amedê jiyana xwe ji dest da. Cenazeyê Abasoglu, ji bo li bajarê wî Dêrsimê defin bikin ji Amedê şandin Dêrsimê. Wecîbeyên olî yê Abasoglu, li Mala Çand û Cemxaneya Pir Sultan Abdalê ya Şaredariya Bajarê Mezin a Amedê hat kirin û piştre cenaze şandin Dêrsimê. Di merasimê de Hevserokê Giştî yê DBP'ê Kamuran Yuksek, Hevşaredarê Bajarê Mezin ê Amedê Firat Anli, endam û rêveberên DBP/HDP, KJA, Namzeta HDP'ê ya Amedê Çaglar Demirel û gelek kesên din amade bûn. Cenazeyê Abbasoglu bi karwanekê ji Amedê şandin Dêrsimê. Cenazeyê Abbasoglu de di saetên nîvro de bi merasîmekê li Dêrsimê bê definkirin.