Êvara 27'ê Îlonê, welatiyê bi navê Iyeç Çakir (25), dema ji navçeya Payîzavayê diçû mala xwe ya li gundê Saçax ê Elbakê, bi îdîaya ku li hişyariya "bisekine" guhdarî nekiriye, polîsên Tirk gule li wesayîta wî reşandin.

Çakir ê ji serê xwe bi giranî birîndar bû, 28 rojan li servîsa lezgîn a Nexweşxaneya Lokman Hekîm hat tedawîkirin, lê danê vê sibehê jiyana xwe ji dest da.

Cenazeyê Çakir wê li Elbakê were veşartin.