Li navçeya Cizîrê ya Şirnexê bombeya deng avêtin fermandariya Garnizonê ya Leşkerî.

Komek ciwana ji bo operasyona leşkerî ya li Elka Şirnexê ku 7 gêrîlayên HPG'ê têde jiyana xwe ji dest dan şermezar bikin li Cizîrê çalakî pêk anîn. Koma ciwanan li ser kolana Hezexê meş pêk anîn û rê li trafîkê girtin. Koma ciwanên ku çalakî pêk anîn piştî rê li trafîkê girtin, heta derengê şevê çalakî pêk anîn û belav bûn. Balkêşe polîs nehatin cihê bûyerê û komê heta derengê şevê çalakiya xwe berdewam kir.

Li aliyê din koma ciwanan di demjimêr 22.30 û 23.00'an de li taxa Nûrê ya Cizîrê li dijî Fermandariya Garnîzonê ya Leşkerî çalaki pêk anîn û bombeya deng avêtin.