Navenda Ragihandin û Çapemeniyê ya HPG'ê da xuyakirin ku bombebaran, tevgera hewayî, kemîn û veguhastina leşkerî yên artêşa Tirk dewam dikin.

HPG'ê li ser tevgera leşkerî ya artêşa Tirk ev agahî da:

"Di 30'ê Gulanê saet di navbera 20:00 - 23:00 de li herema Xakurkê, di 31'ê Gulanê (îro) saet di navbera 08:30 û 12:00 de li qada Şukê ya li ser xeta sînor a herêma Avaşînê, di 30'ê Gulanê saet di nvbera 09:30 - 10:30 û saet di navbera 15:00 - 16:00 de li qadên Çiyayê Reş, Şehîdan, Ava Zê, Geliyê Zapê û Garê ya Mezin ên li herêma Zapê, ji sibeha 29'ê Gulanê heta saet 12:00 ê 31'ê Gulanê li ser qada Çiravê ya herêma Botanê, artêşa T.C a dagirker bi pêgerên hewayî yên bê mirov re keşif kirine.

Di 30'ê Gulanê saet di navbera 15:00 - 16:00 û di 31'ê Gulanê saet di navbera 09:30 - 11:30 de Qereqola Oremarê ya li navçeya Colemêg Geverê, qada Şehîd Gafûr û derdora wê yên li herêma Avaşînê bi hawan û obusan bombebaran kir. Her wiha di 30'ê Gulanê saet di navbera 13:00 - 14:00 de Qereqola Oremarê qadên Şehîd Zerdeşt û Şehîd Gafûr bi hawan, obus û çekên giran bombebaran kiriye. Li hemberî van êrîşên artêşa Tirk, hêzên me yên gerîla bi çekên giranê ji bo hişyarkirinê gule teqandine.

Ji 29'ê Gulanê û pê ve saet di navbera 07:00 - 19:00 de li ser rêya pira qada Feraşîn a navçeya Şirnex Elkê, artêşa T.C a dagirker nuqteyên kontrolê çêkir, ji saet 19:00 heta 07:00 ê roja din, bi maşînên zirxî li herêmê kemîn daniye.

Di 30'ê Gulanê saet di navbera 15:00 - 00:00 de li ser rêya gundê Tatan ê navçeya Mûş Gimgimê, artêşa T.C a dagirker nutqeyên kontrol û kemîn danî.

Di 30'ê Gulanê de ji sibehê heta danê nîvro artêşa T.C a dagirker bi tîmên tevgera taybet ber bi Erzîrom û navçeya Agirî Zêdkanê veguhastina leşkerî kiriye.

Di 29'ê Gulanê saet di 14:00 de ji navçeya Agirî Patnosê ber bi navçeya Bazîdê ve tîmên tevgera taybet hatine veguhastin."