Hêzên Şoreşger îro danê sibehê li herêma Şehba ya Rojavayê Kurdistanê, li dijî çeteyên DAIŞ'ê operasyonek lidar xistin.

Di encama vê operasyonê de gund û nuqteyên bi navê El-Hesiya, hsack, Simûqa, Qol Sirûc, Bendava Şehbayê, El-Werdiye, Mezreyên El-Xûl, Mezreyên Hesîniniyê û Navenda Sîriya Têl hatin rizgarkirin.

Piştî rizgarkirinê, şervanan li van gundan dest bi lêgerînê kirin. Di encama lêgerînê de 8 cenazeyên çeteyên DAIŞ’ê û miqdarek çek û cebilxaneyên çeteyan ketin destê şervanan.

Çebixaneyên ku ketin destê şervanan ev in: "2 BKS, 2 rokêtin B7, 3 kilêş, bêrînoyek, doşkeke 23, 6 sindoqên guleyên doşka û hin cebilxaneyên din."

Hêzên Şoreşger ên bi navê Ceyş El-Siwar, Hêzên Eşîreyan, Eniya Jinên Şehbayê, Lîwa El-Şemal El-Dîmuqratî û Meclîsa Leşkerî ya Babê di opersyonê de cih girtin. 

Li gundên hatine rizgarkirin opersyonan şervanan a paqijkirinê dewam dike.