Balafirên şer yên Tirk mezraya Tûwa ya gundê Nehrî ya Şemzînana Colemergê bombebaran kirin. Di bombebaranê de 7 dewar û gelek sewalên biçûk yên gund hatin kuştin.

Şerê li herêma di navbêra navçeya Şemzînan û bajaroka Rûbarokê de didome. Leşkerên ku nikarin di bejayiyê de bikevin heremê, ji 34’emîn Fermandariya Tûgaya Sînor ya Şemzînan û bi helîkopteran herêmê bombebaran dikin. Pêr bi roj leşkeran top, guleyên obus û hewanê avêtin gund û çiyayê herêmê. Helîkopteran gundê Nehrê û Mezraya Tûwa da ber bombebaranê. Di bombebaranê de 3 dewar û gelek sewalên biçûk hatin kuştin.

BALEFIRÊN ARTÊŞA TIRK GUND BOMBARAN KIR Û GELEK SEWAL KUŞTIN

Duh êvarê jî dîsa ji Fermandariyê û bi helîkopteran heremê da ber bombeyan. Di gulebarandinê de 7 jê dewar gelek sewalên biçûk hatin kuştin. Welatiyê mezraya Tûwayê Tevfîk Sakîn, bertek nîşanê bombebaranê da û diyar kir ku, raste rast gundê wan didin ber gule û bombeyan û sewalên wan dikujin. Sakîn bertekên xwe wiha anîn ziman: “Topên ji bejayiyê û guleyên ji helîkoptran hatin avêtin li nêzî gund ketin. Di gulebaran de 7 dewar û gelek mirîşk û sewalên din hatin kuştin. Gelo cemawerî, rayagiştî û saziyên sivîl li kune çima deng naçe wan."