Li gorî nûçeya ANHA, ku agahiyên xwe dispêre çavkaniyên herêmî, duh bi şev saet di 00:00 de balafirên şer ên Tirk û koalîsyonê bombe li gundê Til Tana yê li bakurê Babê barandin. Di encama bomberdûmanê de 18 sivîlan jiyana xwe ji dest dan û gelek jî birîndar bûn.

Çalakvanên wê herêmê der barê navê hinek qurbaniyan de agahî dan. Navê qurbaniyan wiha ye: Mehmûd Yehya, Mihemed Mustefa, 3'ê zarokên Îbo, 3'ê zarokên Yehya Hac Hîlal, Ibin Şukrî Reşo û 3'ê ji malbata Reşîd.

Navê qurbaniyên din nehate zanîn. Her wiha sê kesên ku ji gundê Ceb El-Asî koçberî gundê Silsane bibûn jiyana xwe ji dest dan.

Li gorî agahiyên çalakvanan dane çeteyên DAIŞ'ê tevî rewşa hinek birîndaran giran bû destûr nedan ku wan rakin nexweşxanê û rewşa wan di xeteriyê de ye.

Gundê Silsane û Wecib El-Asî bi giştî ji pêkhateya Kurd e.